තේරුම් අරන් උඹ
නිදිවරා රෑ පුරා
කෙවෙන නෙතු නොපියවා
අකුරු කළ අයුරු මා දුටුවා
නොම පෙම්වතක අත පතා
පෑනටම පෙම්බැඳ
ඒ සමඟ කොල මතින් දුවගොස්
හෙට ලොවක් තනන බව මගෙ සිහිනෙ දුටුවා
ප්‍රතිඵලය ආපු දා
දුවැවිත් මා බදාගෙන
"අය්යෙ මං කැම්පස්" කියද්දි
නුඹ නෙතේ බැබළුණු සුභ සිහින දුටුවා
ප්‍රතිඵලය වෙනස් වී
සිහින මල් පර වී
නුඹ නෙත් අඳුරුකර කඳුළැල් ගළද්දී
මැළැවුණු ඔය මුහුණ දැක දැක
මා කෙසේ සිටිනෙම්ද ?
පරණ නිර්දේශයලු
මොකක්දෝ ඉසඩ් මදිලු
අළුත් උන්ට ඇරිලා
උඹට කැම්පස් වැහිලා
වැලේ ගෙඩි වැලට බර නෑ
කැම්පස් ඕනි නෑ
නංගියෙ උඹ ගෙදර හිටහන්
මීට,
හීතලට වෙව්ල වෙව්ලා
ගඟේ වැලි ඇදලා
පොත් අරන් දීපු
පන්ති යවපු
උඹ කැම්පස් යනවා හැමදාම හීනෙන් දැකපු උඹේම අයියා
No comments:
Post a Comment